සුබ අළුත් අවුරුද්දක් වේවා...!!!!
දිගටම යන්න...
අපේ උපාධි ප‍්‍රධානෝත්සවය තිබුණේ වියලි නමුත් සීතල සුළං හමන දෙසැම්බරයේ දවසක. දෙසැම්බර් සීතලෙන් අවදිවන මතකයක් අවුරුද්දක් ඉවරවෙලා අවුරුද්දක් ලබනකොට ඔයත් එක්ක බෙදාගන්න හිතුනා.
උපාධි අපේක්ෂකයන් පෝලිමේ ෙවිදිකාව උඩට ගිහින් කුලපති තුමාගෙන් උපාධිය ගන්නකොට කුලපති තුමා උනුසුම් සිනාවකින් සංග‍්‍රහා කරලා අතට අත දීලා හඬ නගලා කියනවා ‘කොන්ග‍්‍රැජුලේෂන්’ කියලා. ඊට පස්සේ හඬ ටිකක් බාලකරලා, නමුත් ඉතාම ස්ථාවර හා ශක්තිමත් ස්වරයකින් උපාධිදාරියාට විතරක් ඇහෙන්න කියනවා ‘දිගටම යන්න’ කියලා.
කුලපතිතුමා එහෙම කියලා උත්සහ කරන්නේ වේදිකාවේ තදබදයක් නොවන අයුරින් පිරිස ඉක්මනින් වේදිකාව හරහා යැවීම වුණත් ඒ වචනේ අපේ මුුලූ ජීවිත කාලෙටම ඉතාම වැදගත් අවවාදයක් කරගන්නත් පුලූවන් නේද කියලා මට හිතුණා. ‘දිගටම යන්න’ ජීවිතේ අපි ළඟා කරගන්නා සෑම ජයග‍්‍රහනයකදීම උපාධියක් ගන්නකොට, විවාහයක් කරගනිද්දී, රැකියාවෙන් උසස්වීමක් වෙද්දී, වෙන එකක් තියා විශ‍්‍රාම යනකොට පවා ගන්න තියෙන හොඳම අවවාදය තමයි ‘දිගටම යන්න, නවතින්න එපා, එකතැන පල්වෙන්න එපා’ කියන එක.
ඔයා ජීවිතේ ලබා ගත්ත දේට වඩා තව හුඟාක් දේ ලබාගන්න තියෙනවා. මේක අවසානය නෙවෙයි. තාම ආරම්භ වුණා විතරයි. ‘දිගටම යන්න’.
මේ ආකල්පයෙන් අලූත් අවුරුද්ද පටන් ගන්න. ඔයාට ම තේරෙයි ඔයා, ඔයා වෙනුවෙන් කොයිතරම් දේවල් ඔයා තුළම ගබඩා කරගෙන ඉන්නවද කියලා.
හිතන්න,
මේ සතිය පුරාවටම.
සමන් සමරක්කොඩි.
No comments:
Post a Comment